أنا ووشمي وتعويذة عشقك لهدى زايد
ازيك يا مرات عمي عاملة
أنت جاي الساعه سبعة الصبح عشان تسألني عاملة إيه ؟! الحمد لله كويسة
لا أنا اقصد عاملة فطار إيه ؟
ولاه امشي من وشي أنا هموت و انام و بعدين صاحي بدري ليه كدا
عندي امتحانات ادعي اخلص بقى انا زهقت
زهقت من إيه يا فارس دا أنت طول السنة قافل الكتب و لا بتذاكر ولا بتعمل حاجة مفيدة في حياتك
ما هو أنا زهقت عشان كدا طول السنة مستني اجازة السنة و في الاخر يقولوا لي عندك امتحان بس مش دي المشكلة يا مرات عمي
اومال إيه المشكلة
المشكلة إن أنا اول مرة اعرف إن عندنا مادة اسمها الدراسات و أنا عارف دا امبارح بليل أصلا
أصلا !!
اه والله يامرات عمي
طب وأنت جاي لي ليه ؟
عاوزك تذاكر لي المادة دي
اذاكر إيه يا بني أنت فاضل لك ساعة وتروح الامتحان
يعني مافيش أمل انجح ؟
دا أنت ماعندكش أمل يوديك المدرسة بالامبالاة اللي عندك دي أنت تروح تنام تاني احسن لك
و الله يا مرات عمي كنت حاسس اني مش هانفع و الحمد لله أنتِ اكدتي لي اللي الاحساس دا يلا قدمنا فرصة نذاكر في الصيف عشان المُلحق سلام عليكم
هتفت بصوتٍ مرتفع قبل أن يُكمل سلاالم الدرج و قالت
– ولاه تعال هنا رايح فين ؟
– مش قلتِ مافيش أمل ها طلع اكمل نومي
– انزل يا فارس روح الامتحان انزل ربنا يهديك
-هاروح أعمل إيه هو أنا عارف حاجة !!
– روح اكتب اسمك و تعال
نفذ ” فارس” أمر ز و جة عمه و ذهب إلى مدرسته عله يستطيع اجتياز هذا الاختبار، جلس على المقعد و نظر حوله لا يعرف من حوله جميع زملائه في الفصل المجاور، شعر أنه لن يمر هذا العام أيضًا، أتى إليه زميله و قال بجدية
– معانا ياصاحبي احنا مذاكرين واللي يقف قدامك قلنا عليه
هذه المقدمة يحفظها عن ظهر قلب و هذا يُعني أنه سوف يكون أحد الكباري الهامة ليرسل لأحدهم ورقة الإجابة، هذه الحركة حدثت معه في العام الماضي
و هي السبب في سقوطه حينها لأنه لم يستطع كتابة سؤال واحد قرر هذه المرة أن يساير أموره و يأخذ مصلحته أولًا ثم يفعل لهم ما يحلو له و هذا ما حدث بالفعل و اجتاز نصف الاختبار بأعجوبة، عاد من المدرسة و جد زوجة عمه جالسة تطوي الملابس الجديدة لابنتها التي ابتاعها ز و جها لها قبل مجيئها، جلس و قال بسعادة
