عمياء في درب الهوى بقلم هدى زايد
رحل قبل أن يمنعه والده كعادته في الفترة الأخيرة
وضع يده على المقبض الحديدي وقبل أن يفتح باب المنزل استوقفه والده قائلا بغضب واضح في نبرته
-أدهم عاوزك تعال ورايا
تنهد بعمق قبل أن يستدار بجسده كله ثم خطى نحو والده خطوات ثابته وواثقه واقف أمامه وكأنه طالب يقف أمام معلمه في انتظار سماع توبيخه على افعاله ولكنه تفاجئ به يجلسه بجواره على الأريكه في حديقه المنزل ويعامله بلطف وقال
– أنت ليه بتعامل بت عمك اكده هي ذنبها إيه ؟
كظم غيظه وقال بجديه
-ماذنبهاش حاجه وأني بعاملها زين وعشان أريحك يا بوي مش قاعد لك في البيت واصل وهارجع بيتي
سأله بنبرة حائرة
-وديه مش بيتك يا ولدي
أجابه بنبرة مقتضبه
-لأ مش بيتي يا بوي أني اهنى ضيييف
قاطعه “زين” قائلا بحزن
-يا ابني إنت عامل في نفسك كدا ليه ؟ وليه الوش الخشب كدا على طول ؟!
أجابه بنبرة ساهرة وهو يقف من فوق الأريكه
– لا خشب ولا بلاستك أني هاسيبك البيت وماشي
أجلسه والده وهو يقبض عليه من معصم يده قائلا بحده
– أسمع يا أدهم ال عاوزك عشانه
تنهد ” أدهم ” بعمق وقال بهدوء مزيف
– اتفضل يابوي
صمت والده لبرهه ثم قال بجديه
– إنت هاتروح لـ بدران وهاتتكلم معاه على أساس إن بت عمك وكلتك عنها باعتبار إن إبن عمها وعنده البلد و
قاطعه ” أدهم” قائلا بغضب
-مش هاروح يا بوي وهي مطرح ماجت ترجع مش عاوزين وجع دماغ يا بوي أني مش فاضي لدلع الحريم ديه
تنهد والده وقال بهدوء
-اسمع يا أدهم ياولدي صحيح حياة هي بنت عمك
قاطعه باقتضاب
-مليش اعمام يا بوي وبعد أذنك مش هاعمل ال بتجول عليه ديه
طب هاجول لك (هاقول لك) على حاجه
ايه رايك لو تدي نفسك فرصه
فرصه لمين؟ لديه !!
ديه ابعد ما يكون في خيالها ومن الاخر اكده تلم هدومها وتمشي من اهني ماعاوزينش مشاكل
مين إمتى أدهم الزيات بيخاف من المشاكل ؟
ملكش صالح إنت يا زين يا بالحكايه ديه واصل
لأ ليا والبنت من ساعه ماجت وإنت بتسمعها كلام زي السم إيه الجبروت ال فيك دا يا اخي
يايوووو دا باين له يوم مش معدي
اتكلم عدل مع ابوك يا كبير عيله والبلد ولادا كمان كلام وخلاص
قاطعه محذرا إياه
لم لسانك يا زين
مش هلمه يا أدهم ووريني هاتعمل إيه
هاكسر لك دماغك
هتف الأب بصوتٍ مرتفع قائلا بحده وصرامه لينهي هذا الخلاف
