غيرة الفهد
اما نبيل يا عيني كان بيموت حرفيا وكان بيجرجرو بالعافيه اول ما وصلو السطح نبيل وقع وقال..ميه هاتلي ميه وانبي هموت
بس فهد مردش عليه وجرو بالعافيه وربطو في اسياخ حديد طالعه من الطرف وكتفو كويس جدا وقال…خليك هنا يا حبيب…لحد ما تعرف الحب شكلو ازاي
نبيل قال برعب..لا لا وانبي مش هينفع..الدنيا شمس قوي وانبي ارجوك مش هقرب لها تاني والله والله
فهد ابتسم بسخريه وقال…انت كده كده مش هتقربلها تاني…ده مش عقاب على الي عملتو لا..ده تنبيه ليك..علشان تعرف حجمك كويس
ولسه هينزل نبيل قال بسرعه..طب..طب هتفكني امتى طيب
فهد قال وهو بينزل..اول ما تبقى مقرمش من بره وطري من جوه..مش كتير يعني حسبة اسبوعين تلاته..وجرب نار الغيره وقولي
قال كده وسابو ونزل وهو حاسس بجحيم في صدره كل ما يفتكر انها كانت بين ادين حد غيره بيبقى هيتجنن نزل ودخل شقتهم بغضب
كانت كنوز بتفرك في اديها بخوف اول ما شافتو وشافت نظرات الشر الي في عنيه بلعت ريقها بخوف وقالت…انا..انا هفهمك الي حصل ..و
لكن قاطعها لما شدها من ايدها وراح بيها على اوضتها وهو بيجرجرها بغضب
والدتو جريت وراه وهيه بتقول..استهدى بالله يا فهد مش كده
بس قال بغضب …ماما .خليكي بعيد انتي ..لوسمحتي ودخل بيها اوضتو وقفل الباب
فهد بصلها طالع نازل بتقيم كانت لابسه السدال ولافه طرحتو وقال بسخريه..ماشاء الله…لابسه لبس محترم تتباسي بيه مش اي حاجه والسلام
كنوز قالت برعب..انت..انت عملتلو ايه
فهد بصلها بدهشه وضحك وهو هيموت من الغضب وقال..انتي خايفه عليه كمان وقرب منها جامد وحط ايده على رقبتها بقوه وقال …بتبو،سيه…كنتو هتبو،سو بعض…يعني انا لو موصلتش كان زمانو با،سك …والله اعلم عملها كام مره قبل كده
كنوز بقت تبعد ايده عن رقبتها بس مش قادره نزت دموعها وقالت بصوت ضعيف .بت…بتخنق..بتخنق يا فهد
فهد سابها اول ما قالت كده وهيه وقعت على الارض وفكت طرحتها وبقت تفرك رقبتها وهيه بتكح جامد
فهد نزل لمستوها وقال بغضب…ردي عليا…باسك قبل كده…ردي
كنوز بقت تبكي وقالت..لا..لا حرام عليك بقى معملهاش قبل كده وانهارده فاجأني وكنت كده كده همنعو…حرام عليك بقى انت عايز مني ايه ..انت مالك بكل ده انت حايلا ابن خالتي
